काठमाडौं । राष्ट्रिय प्रजातन्त्र पार्टी राप्रपाले गृहमन्त्री रवि लामिछानेको राजीनामा मागेको छ । राप्रपाको प्रदर्शनमा व्यापक दमन गरिएको भन्दै अध्यक्ष राजेन्द्र लिङ्देनले गृहमन्त्री लामिछानेको राजीनामा मागेका हुन् ।
पार्टीको जनप्रदर्शनपछि आयोजित कोणसभामा लिङ्देनले ४० बुँदे मागमा गृहमन्त्रीको राजीनामाको माग थपिएपछि अब ४१ बुँदे भएको घोषणा गरे ।
‘म गृहमन्त्री रवि लाछिानेलाई चेतावनी दिएर भन्न चाहन्छु, आजको दिनलाई हामी सम्झनामा राख्छौँ । अब हामी गृहमन्त्रीको राजीनामा माग्छौँ । ४० बुँदे मागमा एउटा यो बुँदा थपिएको छ’, लिङ्देनले भने ।
