रुपन्देही । आगो निभाउन गएको दमकल नै आगोमा परी जलेको छ।
रूपन्देहीको तिलोत्तमा नगरपालिकाको दमकल आगो निभाउन जाँदा बुधबार दिउँसो सोही डढेलोमा परेको हो।
तिलोत्तमा नगरपालिका वडा नम्बर ८ गणेशनगरको जङ्गलमा डढेलो लागेपछि नगरपालिकाको लु १ ग ३४९ नम्बरको दमकल डढेलो निभाउन गएको थियो। सोही दमकलमा आगलागी भएको जिल्ला प्रहरी कार्यालय रूपन्देहीले जनाएको छ।
आगलागीबाट दमकलको इन्जिनसहितका भाग जलेको प्रहरीले जनाएको छ। घटनामा मानवीय क्षति भने नभएको प्रहरीले जनाएको छ।
