काठमाडौँ । इलाम क्षेत्र नम्बर २ मा ६९ हजार २ सय ८७ जना मतदाताले मतदान गरेका छन्। प्रमुख जिल्ला अधिकारी इन्द्रदेव यादवका अनुसार शनिबार भएको उपनिर्वाचनमा ६० प्रतिशत मत खसेको विवरण प्राप्त भएको छ।
जसमध्ये ३५ हजार १ सय २५ जना पुरुष र ३४ हजार १ सय ५० जना महिला र अन्य २ जनाले मतदान गरेका छन्।
इलाम क्षेत्र नम्बर २ मा १ लाख १५ हजार ८ सय ८९ मतदाता छन्। शनिबार सम्पन्न निर्वाचन शान्तिपूर्ण रुपमा सकिएको यादवले बताए।
इलाम क्षेत्र नम्बर २ मा आजै राति १० बजेबाट मतगणना सुरु हुने आयोगले बताएको छ।
बझाङ क्षेत्र नम्बर १ प्रदेशसभा (१)मा भने भोलि (आइतबार) बिहान १० बजेबाट मात्रै मतगणना सुरु हुने जानकारी गराए।
उनले मतगणना सुरु भएको १२ घन्टाभित्र अन्तिम मतपरिणाम निकाल्नेगरी काम गर्न निर्देशन गरिएको पनि बताए।
