काठमाडौं । सुदूरपश्चिम भ्रमणमा रहेका भौतिक पूर्वाधारमन्त्री सुनील लम्साल अचानक अस्वस्थ भएपछि उनलाई हेलिकाेप्टरबाट काठमाडौं ल्याउने तयारी गरिएको छ ।
बैतडीको गोठालापानी पुगेका मन्त्री लम्साल अस्वस्थ भएपछि काठमाडौं ल्याउन सुर्खेतबाट हेलिकाेप्टर मगाइएको बैतडीकी प्रमुख जिल्ला अधिकारी मीना अर्यालले जानकारी दिइन् ।
उनका अनुसार मौसम खुलेलगत्तै मन्त्री लम्साललाई हेलिकाेप्टरमार्फत काठमाडौं ल्याउने तयारी गरिएको छ ।
शुक्रबार धनगढी पुगेका मन्त्री लम्साल डोटी र दार्चुला हुँदै बैतडी पुगेका थिए । बैतडीमा जिल्ला प्रशासन कार्यालयले आयोजना गरेको कार्यालय प्रमुखहरूको बैठकमा सहभागी भएर बझाङ जाने उनको कार्यक्रम थियो ।
तर, अचानक अस्वस्थ भएपछि उनको बझाङ भ्रमण स्थगित गरी काठमाडौं ल्याउने तयारी गरिएको हो ।
