काठमाडौं । विद्युत् सेवा अवरुद्ध भएपछि चन्द्रगिरि केबलकारमा यात्रुहरू अड्किएका छन् । सो केबलकारका आठवटा डिब्बामा यात्रुहरू अड्किएको सशस्त्र प्रहरीका सहप्रवक्ता डीएसपी शैलेन्द्र थापाले जानकारी दिए । उनका अनुसार बुधबार साढे २ बजेबाट ४०/४५ यात्रु अड्किएका छन् ।
उद्धारका लागि सशस्त्र प्रहरी परिचालन गरिएको छ । उद्धारका लागि सशस्त्र प्रहरीको नम्बर ९ पशुपतिनाथ बाहिनीबाट २६ जनाको सशस्त्र प्रहरीको टोली चन्द्रागिरि पुगेको सहप्रवक्ता डीएसपी थापाले जानकारी दिए । उनले यात्रु अड्किएको खबर पाउनासाथ उद्धारकर्मीलाई खटाइएको बताए । उनले यसअघि सशस्त्रले यस प्रकारको उद्धार अभ्यास गरेकाले अनुभव रहेको पनि बताए ।
