काठमाडौं । प्रधानमन्त्री केपी शर्मा ओलीले संविधानले सबै नेपालीको भावनालाई समेटेको बताएका छन् ।
बिहीबार संविधान दिवसका अवसरमा सैनिक मञ्च टुँडिखेलमा आयोजित विशेष समारोहलाई सम्बोधन गर्दै प्रधानमन्त्री ओलीले अपवादलाई छोडेर संविधानले सबै नेपालीको भावनालाई समेटेको बताएका हुन् ।
अपवादलाई छोडेर संविधानले सबै नेपालीको भावनालाई समेटेको छ । यदि सबैको भावना नसमेटिएको हुन्थ्यो भने ९ वर्षअघि संविधान जारी हुँदाको असहमति त्यत्तिकै शान्त हुने थिएन, उनले भने ।
प्रधानमन्त्री ओलीले संविधान दिवस मनाइरहँदा असहमति को आडमा सद्भाव खलबल्याउन खोज्ने शक्तिविरुद्ध एकजुट हुनुपर्ने बताए । प्रधानमन्त्री ओलीले संविधानले महिला, दलित, आदिवासी/जनजाति, थारु या मुसलमान, मधेशी-पहाडी-हिमाली, अल्पसंख्यकरउत्पीडित र सम्पूर्ण पिछडिएका वर्ग तथा क्षेत्रका नेपालीको सपना र आकांक्षालाई समेटेको बताए ।
प्रधानमन्त्री ओलीले संविधानलाई जीवनमय बनाउन राज्य र नागरिक दुवै पक्षको प्रयास जरुरी भएको पनि बताए ।
