अर्घाखाँची । नेपाल कम्युनिष्ट पार्टी (माओवादी केन्द्र) मालारानी गाउँपालिका वडा नं. ५ काे तेस्राे वडा अधिवेशन मालारानी -५ वाँगीमा सम्पन्न भएकाे छ । ताेरण बहादुर थापाकाे अध्यक्षता रहेकाे अधिवेशनमा पार्टी केन्द्रीय सदस्य तथा पुर्व रास्ट्रयसभा सदस्य चन्द्रबहादुर खड्का (उज्ववल) काे प्रमुख आतिथ्यता, पार्टी सचिवालय सदस्य तथा जिल्ला संयाेजक क. राजेन्द्र भुसालकाे विशिष्ट आतिथ्यता, पार्टी प्रदेश समिति सदस्य तथा सन्धिखर्क नगर ईन्चाज देवबहादुर रायमाझी, पार्टी जिल्ला समन्वय समिति सदस्य शाेभाखर भुसाल, जिल्ला समन्वय समिति सल्लाहकार संयाेजक विरेन्द्र कुमार चाैहान पार्टी पालिका अध्यक्ष शिवलाल कुवर, अखिल नेपाल किसान महासंघ (क्रान्तिकारी) का जिल्ला संयाेजक तथा पार्टी ५ नं. वडा ईन्चार्ज भेष बहादुर खड्का वाईसीएल नेपाल प्रदेश समिति सदस्य विरेन्द्र बस्नेत, अनेमसंघ (क्रान्तिकारी) जिल्ला सचिव सिर्जना भुसाल, पार्टी पालिका समिति सदस्य बाबुराम रसाईली लगायतकाे आतिथ्यता रहेकाे थियाे ।
कार्यक्रममा बाेल्दै प्रमुख अतिथि खड्काले मालारानी गाउँपालिकामा पार्टी कमिटीका कमरेडहरुलाई गलत प्रवृत्ति, व्यक्तिवादी प्रवृत्ति भएका व्यक्तिहरुकाे पछाडि नलागि आ-आफ्नाे ठाँउबाट पार्टी संगठनमा लाग्न आग्रह गरेका छन् । मुलुककाे व्यवस्था परिवर्तनका निम्ति सहिद हुने गाेविन्द पाण्डे क. विगुल लगायतका सहिदहरुका बाँकी रहेका सपना पूरा गर्न उपस्थित कमरेडहरुलाई आग्रह संगै पालिका स्तरीय नेता तथा कार्यकर्तालाई नया कार्ययाेजनाका साथ अघि बढ्न समेत निर्देशन दिए । नवनिर्वाचित वडा समितिका पदाधिकारी एंवम सदस्यहरुलाई बधाई तथा सफल कार्यकालकाे शुभकामना समेत व्यक्त गरेका छन् ।
त्यस्तै विशिष्ट अतिथि भुसालले पार्टी जिल्लाकाे समसामयिक विषय, पालिका भित्र पार्टीमा विचलन भई नक्कली माओवादी बनेर नेतृत्व गरेका केही व्यक्ति अन्य दलमा प्रवेशले पार्टीलाई कुनै असर नपरेकाे र पार्टी भित्र भएका केही टुटफुट नयाँ ढंगबाट विचारलाई जाेडी दृढतापुर्वक अगाडि बढ्न कमरेडहरुलाई अनुराेध संगै पार्टी संगठनलाई आवश्यक महसुर भएमा जिल्ला पार्टी २४ सै घण्टा पार्टी संगठनमै जाडिने समेत प्रतिवद्धता व्यक्त गरे।
त्यस्तै उपस्थित अतिथिहरुले मन्तव्य राख्दै राजनीति पार्टी भन्दापनि विचार प्रधान हाे । हामी विचारमा दृढता छाै । कतिपय अवस्थामा विचारमा केही विचलनकाे महसुस भयाे हाेला तर जे जस्ताे भएपनि आगामी दिनमा पार्टीलाई एकढिक्का भएर अगाडि बढाउने प्रतिवद्धता व्यक्त गरेका छन् ।
त्यस्तै तेस्रो वडा अधिवेशनबाट ताेरण बहादुर थापाकाे अध्यक्षता २५ सदस्यीय वडा समिति निर्वाचित भएकाे छ । जसकाे उपाध्यक्षमा विष्णुप्रसाद आचार्य, सचिव तिलक टण्डन, सहसचिव पदमा विक, काेषाध्यक्ष राधा चुदाली खड्का रहेका छ्न । त्यस्तै सदस्यहरु कृष्ण बहादुर खड्का, जगत पन्थी, विष्णु कुमारी खड्का, अस्मिता भण्डारी खड्का, झविन्द्र विक, चन्द्र कुमारी विक, नारायण अधिकारी, सविता भुसाल, देवकला चुदाली, खुम कुमारी बस्नेत, रुमानसिंह पाण्डे, पाेमनारायण भुसाल, निमानन्द भुसाल, सविता पाैडेल भुसाल, सलिना विक, कासिराम खड्का, तारा ताम्राकार, सुन्दरा विक, चम्फा नेपाली, राम बहादुर विक लगायत २५ सदस्यीय वडा समिति निर्वाचित भएका हुन् । नवनिर्वाचित अध्यक्ष थापाले पार्टीलाई नयाँ सिराबाट उचाईमा पुर्याइ आगामी निर्वाचनमा पहिलाे पार्टी बनाउने समेत प्रतिवद्धता व्यक्त गरेका छन् ।
उक्त अधिवेशनमा विगतमा पार्टी प्रति वफदार भई महत्व पुर्ण याेगदान दिएका दर्जनाै अग्रज व्यक्तिहरुलाई पार्टी वडा समितिले सम्मानपत्र, अभिर र फुलमालाले सम्मान गरेकाे थियाे ।
अधिवेशन पार्टी मालारानी गाउपालिका ५ नं. वडा समिति अध्यक्ष ताेरण बहादुर थापाकाे अध्यक्षता, सहसचिव पदमा विककाे स्वागत मन्तव्य र सचिव तिलक टण्डनकाे संचालनमा सम्पन्न भएकाे हाे ।
