रुपन्देही । सानिमा रिलायन्स लाइफ इन्स्योरेन्स लिमिटेडले बुटवलमा एजेन्सी म्यानेजर सम्मान तथा पुनर्ताजगी कार्यक्रम गरेको छ । एक समारोहका बिच एजेन्सी म्यानेजरहरुलाइ प्रसंशा पत्र,मायाको चिनो सहित सम्मान गरिएको हो ।
कार्यक्रममा बुटवल शाखा प्रमुख प्रेम आचार्यले बीमा क्षेत्र अभिकर्ताहरुको माध्यमबाट सञ्चालन हुने भन्दै उनीहरुको मेहनत र लगनशिलताबाटै सस्था अझ बलियो हुने विश्वास व्यक्त गर्नुभयो । उहाँले अभिकर्ताको मेहनतका कारण संस्थाले फट्को मारेको भन्दै प्रशंशा एवं धन्यवाद व्यक्त गर्नुभयो ।
कार्यक्रममा सानिमा रिलायन्स लाइफ इन्स्योरेन्सका प्रदेश कार्यालय प्रमुख इन्द्र बहादुर बिकले सहभागी ३५ जनालाई सहजीकरण गर्नुभएको थियो । उहाँले बीमाको महत्त्व ,अभिकर्ताहरुले निर्वाह गर्नुपर्ने भूमिका,बिमा क्षेत्रको चुनौती र सम्भावनाका बारेमा प्रष्ट पार्नुभयो ।
कार्यक्रममा सानिमा रिलायन्स लाइफ इन्स्योरेन्सका भावी योजना र नयाँ स्किमका बारेमा समेत जानकारी गराइएको थियो ।
