रुपन्देही । लायन्स क्लव अफ बुटवल शान्तीदिपले वृक्षारोपण कार्यक्रम सम्पन्न गरेको छ। वातावरण संरक्षण र हरियाली प्रवद्र्धन गर्ने उद्देश्यका साथ लायन्स क्लव अफ बुटवल शान्तिदिप ,बुटवल युनिटि र लियो क्लबको संयुक्त आयोजनमा (साउन १० गते) ओशो सम्बाेधी संघ योगिकुटि परिसरमा वृक्षारोपण गरिएको हो ।
क्लबले गतवर्ष पनि सोहि स्थानमा वृक्षारोपण गरेको थियो सोही स्थानमा पुराना विरुवाको गोडमेल तथा पुन: आँप, अम्बा, कागती, जस्ता विभिन्न प्रजातिका फलफूलहरूको बिरुवा रोपिएको शान्तिदिपका अध्यक्ष रामहरि भुसालले जानकारी दिए। अध्यक्ष भुसालले वातावरण स्वच्छ, हरियाली पार्नु समाजप्रति आफुहरुको पनि दायित्व भएको भन्दै यस्ता कार्यक्रम अगाडि सारेको बताए ।
लायन्स डिष्टिक ३२५ पि नेपालका जिएसटी कोडिनेटर एमजेएफ लायन आशिष कृष्ण श्रेष्ठको प्रमुख आतिथ्यता रहेको कार्यक्रममा जिईटि कोडिनेटर जिएसटी लायन एकदेब बस्याल,
क्लस्टर चिफ बाबुराम खनाल,स्वामी ध्यान
गगन,जोन चेयर पर्सन कमला ज्ञवाली,शान्तिदिपका निवर्तमान अध्यक्ष विशाल पन्थी लगायतको आतिथ्यता रहेको थियो ।
वृक्षारोपण कार्यक्रममा तिनै क्लवका लिडर र सदस्यहरुकाे सहभागीता रहेकाे थियाे ।
