बुटवल ।अस्ट्रेलियाबाट अपाङ्ग तथा दृष्टिबिहिनहरुको लागि गिता पन्थीले खाधान्न सहयोग गरेकी छन् ।
कामको सिलसिलामा अष्ट्रेलिया रहेकी पन्थीले लायन्स क्लव अफ बुटवल शान्तीदिप मार्फत बुटवल १५ उजेलापुर स्थित लुम्बिनी अपाङ्ग दृष्टिबिहिन अनाथ आश्रममा खाधान्य सहयोग गरेकी हुन ।
जोन चेयर पर्सन लायन्स कमला ज्ञवालीको प्रमुख आथित्यमा मंगलबार एक कार्यक्रम गरी खाधान्न हस्तान्तरण गरिएको हो ।
अर्घाखाँचीमा रहेको नानेज फाउण्डेसन मार्फत बिभिन्न संघ संस्थामा सहयोग गर्दै आएकि पन्थीले शान्तिदिपको समन्वयमा आश्रममा खाधान्न सहयोग गरेको क्लबका पुर्व अध्यक्ष बिशाल पन्थीले जानकारी दिए ।
उनका अनुसार समाजसेवी पन्थीले अर्घाखाँचीको मालारानी (५ स्थित वाँगिमा रहेको शान्ती मावीमा प्रत्येक बर्ष २० जना बिधार्थी लाई पुस्तकालय सामग्री उपलब्ध गराउदै आएकी छन भने अर्घाखाँचीको सदरमुकाम सन्धिखर्कमा अटिजम भएका बालबालिका लाई पढाउने बिधालयका एक जना शिक्षक लाई दुई बर्ष देखी तलब बितरण गर्नुका साथै विधार्थिहरुलाई पुस्तक पनि निशुल्क बितरण गर्दै आएकी छन् ।
अष्ट्रेलियामै रहेका उनका श्रीमान नारायण पन्थीको सहयोगमा नेनाज फउण्डेसन संचालनमा रहदै आएको छ । २०७३ सालमा स्थापना भएको लुम्बिनी अपाङ्ग दृष्टिबिहिन अनाथ आश्रमले शारिरिक रुपमा अपाङ्ग तथा अनाथ बालबालिकाको अभिभावकत्व गर्दै आएको छ ।
क्लवका पुर्व पदाधिकारी र कार्यसमितिका सदस्यहरु लगायतको सहभागिता रहेको उक्त कार्यक्रमको सञ्चालन सचिव प्रकास अधिकारीले गरेक थिए भने अध्यक्षता शान्तिदिपका अध्यक्ष रामहरी भुषालको रहेको थियो ।
स्थापना काल देखि विभिन्न सामाजिक सेवामा क्रियाशिल लायन्स क्लव शान्तिदिपले बर्ष ०२५/०२६ पहिलो कार्यक्रम वृक्षारोपण पनि गरीसकेको छ ।
