काठमाडौँ । करिना कपुर, तब्बु र कृति सेननको मुख्य भूमिका रहेको बलिउड फिल्म ‘क्रु’ ले बक्स अफिसमा राम्रो व्यापार गरिरहेको छ। यस फिल्मले तीन दिनमा घरेलु बक्स अफिसमा ३२ करोड भारतीय रुपैयाँ ग्रस कलेक्सन गरेको छ।
गत शुक्रबारबाट रिलिज भएको ‘क्रु’ ले पहिलो दिन १०.२८ करोड ओपनिङ गरेको थियो। त्यसैगरि, शनिबार १०.८७ करोड भारु कमाउँदा आइतबार १०.३० करोड भारुको व्यापार गरेको भारतीय मिडियो कोइमोइले उल्लेख गरेको छ।
राजेश कृष्णनको निर्देशन रहेको एकता कपुर र रीया कपुरको प्रोडक्सनमा बनेको हो। यस फिल्ममा करिना, तब्बु र कृतिसहित दिलजित दोसाँझ र कपिल शर्मा लगायतको अभिनय छ।
राजेशकै लेखन रहेको फिल्मले तीन विमान परिचारिकाले अचानक सुन फेला पारेपछि त्यसलाई पचाउने कथालाई समेटेको छ।
