काठमाडौं । राष्ट्रिय प्रजातन्त्र पार्टी (राप्रपा) को जुलुसले निषेधित क्षेत्र तोड्दा मुठभेडको अवस्था सिर्जना भएको छ । काठमाडौंको विभिन्न ठाउँबाट र्यालीसहित निस्केको जुलुस अध्यक्ष राजेन्द्र लिङ्देनको नेतृत्वमा माइतीघरतर्फ अघि बढ्न खोज्दा तनावको अवस्था सिर्जना भएको छ ।
सिंहदरबारको मूल गेटअगाडि भद्रकालीबाट माइतीघर मोडिने क्रममा प्रहरीले केही सेल अश्रुग्यासका साथै पानीको फोहोरा प्रहार गरेको छ ।
गत फागुन ९ गते प्रधानमन्त्री पुष्पकमल दाहाल प्रचण्डलाई ४० बुँदे मागपत्र बुझाएर आन्दोलनमा होमिएको राप्रपाले आफ्नो माग पूरा गर्न दबाब सिर्जनाका लागि जनप्रदर्शन गरेको हो ।
शक्ति देखाउन राप्रपाले निषेधित क्षेत्र तोड्ने घोषणा गरेको थियो ।
