रुपन्देही । लायन्स क्लव अफ बुटवल शान्तीदीपले गाईवस्तुलाई दानापानी खुवाएको छ । तिलोत्तमा नगरपालिका -८ स्थित तिलोत्तमा गौशालामा एक कार्यक्रम गरि क्लवले गाईवस्तुलाई दानापानी खुवाएको हो ।
लायन्सका सस्थापक मेल्भिन जोनको १४६ औं जन्मोत्सवको अवसरमा सप्ताहव्यापी कार्यक्रम हङ्गर रिलिफ कार्यक्रम अन्तर्गत (तेस्रो कार्यक्रम) गौशालामा रहेका झण्डै ३५० गाईवस्तुलाई दानापानी खुवाएको क्लवका अध्यक्ष विशाल पन्थीले जानकारी दिए । उनका अनुसार मेल्भिक जोन सर्भिस वीक कार्यक्रम अन्तर्गत यो तेस्रो कार्यक्रम रहेको र एकसाता भित्र १० भन्दाबढि कार्यक्रम गर्ने योजना रहेको छ।
क्लवका अध्यक्ष विशाल पन्थीको अध्यक्षतामा भएको कार्यक्रमको प्रमुख आतिथ्य डिष्ट्रिक पिआरओ एकदेव बस्यालले गरेका थिए । प्रमुख अतिथि बस्यालले शान्तीदीपको कामको रफ्तार तिव्रगतीमा रहेको भन्दै यसलाई कायम राख्नुपर्नेमा जोड दिए । उनले शान्तीदीपका कार्यक्रम ओझीला र प्रशंसायोग्य रहेको बताए । “म आफै स्वयंमले जन्माएको क्लव भएका कारण पनि शान्तीदीपसँग अझै धेरै झुकाब छ , यस क्लवले गरेका हरेक सेवाका कार्यहरु उत्कृष्ट छन् र डिष्ट्रिकमा पनि क्लबको राम्रो उपस्थिति ले म निकै खुशी छु” उनले भने
कार्यक्रममा एरिया चिफ बिमला गैरे ,रिजन चेयर पर्शन बाबुराम खनाल , बेदप्रसाद गैरे लगायत क्लवका पदाधिकारी र सदस्यहरुको
सहभागीता रहेको थियो । क्लवका सचिव लक्ष्मीनारायण खनालको संचालनमा भएको कार्यक्रममा क्लवका सदस्य एवं कार्यक्रम संयोजक रन्जित सिह्नले स्वागत मन्तव्य राखेका थिए ।
क्लवले यसअघि अनाथालयमा भोजन,खाधन हस्तान्तरण ,क्यान्सर पिडितलाई आर्थिक सहयोगका कार्यक्रम गरिसकेको छ ।
