काठमाण्डौं – वैदेशिक रोजगार व्यवसायीहरुको चुनाव यहि चैत्र २९ गते हुन गैरहेको छ। मेनपावर व्यवसायीहरुको छाता संगठनको रुपमा नेपाल वैदेशिक रोजगार व्यवसायी संघ रहेको छ। यसको स्थापना व्यवसायीहरुको हक हितको लागि काम गर्ने र समग्र मेनपावर व्यवसायीलाई मर्यादित बनाउनु हो। उक्त संघको चुनाव दुईवटा प्यानल खडागरेर हुने भएको छ।
चाखलाग्दो लाग्दो कुरा त के छ भने ! वर्तमान सरकार काङ्ग्रेस एमालेको भएता पनि संघको चुनावमा भने काङ्ग्रेस र माओवादी निकट व्यवसायीहरुको गठबन्धन बनेको छ । उता काङ्ग्रेसको सानो समूह जुन बिमल ढकालको नेतृत्वमा छ,उसले भने पार्टीको निर्देशन बिपरित असन्तुष्टि जनाउँदै कुमोद खनाल र चिरञ्जीवी बस्यालले एमाले समर्थित नरेश गेलालको नेतृत्वलाई समर्थन गर्दै उपाध्यक्षमा सुजित श्रेष्ठ र महासचिवमा कर्णराज कटुवाललाई उम्मेदवार बनाएको छ ।
यो समूहले आफ्नो जितको लागि व्यवसायीलाई प्रभाव पार्न सामदाम अपनाउन लागि परेकाे बुझिएको छ। उक्त समूहले समर्थन गरेको प्यानलले चुनाव जितेमा व्यवसायीहरुको हकहितको संरक्षण हुनुको बदला कन्तबिजोग हुने व्यवसायीहरु बताउँछ्न।
नेपाली काङ्ग्रेस संम्बद्ध संस्थापनबाट अध्यक्षमा भुबन गुरुङको नेतृत्वमा माओवादी मिलेर चुनावमा उम्मेदवारी दिएको छ । यो समूहमा व्यवसायीका हकहितमा काम गर्ने जुझारु समूह रहेकोले भुवन गुरुङको प्यानलले चुनावमा बाजी मार्ने पक्कापक्की रहेको व्यवसायीहरुले बताउन थालेका छ्न।
(भुल सुधार सहित पोष्ट गरिएको छ)
