काठमाडौं । नेकपा एमालेका निलम्बित सचिव टोपबहादुर रायमाझी अस्पताल भर्ना भएका छन् । भुटानी शरणार्थी प्रकरणमा अनुसन्धानका लागि हिरासतमा रहेका रायमाझीको स्वास्थ्यमा समस्या आएपछि अस्पताल भर्ना गरिएको हो ।
उनलाई मुटुको समस्या भएपछि उपचारका लागि टिचिङ अस्पताल लगिएको उनको सचिवालयले जानकारी दिएको छ ।
उनलाई बुधबार बिहान ८ः३० मा अस्पताल लगिएको र मिनि हर्टअट्याक भएको बताइएको छ भने पल्स घट्ने तथा रक्तचाप घट्ने बढ्ने भइरहेको छ । चिकित्सकले उनलाई ४८ घण्टा अब्जर्भेशनमा राख्नुपर्ने बताएका छन् ।
