काठमाडौं । वेस्टइन्डिज ए र नेपालबीच शनिबार सुरु भएको टी २० सिरिजको पहिलो खेलमा नेपालका कप्तान रोहित पौडेलले अर्धशतक बनाएका छन् । त्रिवि मैदानमा नेपालले टस जिते पहिला बलिङ गरेको थियो । पहिला ब्याटिङ गरेको वेस्टइन्डिजले २०४ रन बनाएको थियो । २०५ रनको लक्ष्य पछ्याएको नेपालले अहिले जवाफी ब्याटिङ गरिरहेको छ ।
नेपालका लागि पौडेलले २७ बलमा अर्धशतक बनाएका हुन् । उनीसँगै अहिले क्रिजमा दीपेन्द्रसिंह ऐरी छन् । यो समाचार तयार पार्दासम्म नेपालले ११ ओभरमा तीन विकेट गुमाएर ९६ रन बनाएको छ ।
